Sunday, March 26, 2017

මගේ සිහින.




මගේ සිහින නැඹුරු වන්නේ ය ඈතට,
එතැන ඇසෙන්නේ ය කෑ ගැසීම් හා ඉකිබිඳීම්,
වෙනෙකෙක් බෙදාහදා ගන්නේ ය සන්තාපය
හා මාරාන්තික දරුණු ගැහැට.

මට එහිදි තමාවම සොයාගැනීමට හැකිය
සන්තුෂ්ටිය ජීවිතයේ, අත්‍යානන්දය,
හා එහිදී, නොසලකා ඉරණම,
සෙවීම කැමැත්තෙමි අනුප්‍රාණය.

1915.
සෙර්ගේයි යෙසීනින්.
රුසියන් බසින් සිංහල බසට,

ෆීලික්ස් ප්‍රනාන්දු.

Thursday, March 23, 2017

කඳුළු.



කඳුළු ..... යලි ඒ කටුක කඳුළු,
වියෝගී උකටලීබව හා ශෝකයබව ;
නැවත අන්ධකාරය ... හා බුන් දවල් හීන
රැගෙන ගියෝ ය නිමක් නොපෙනෙන ඈතට.

කුමක් ද ඉක්බිතිව? යලි ඒ කම්කටොළු ?
නැත, ඇති පදමට .....විවේකයට කාලයයි
අමතක කිරීමට ඒ ශෝකී ස්වර,
මේ වන විටත් වෙහෙසට පත්විය ලපැත්ත.

කිවියා කවරෙක්ද ඒ බර්ච් සෙවන යට ?
ස්වර මට පුරුදුයි වාගේ
ඒ කඳුළු යලිත්..... ඒ කඳුළු
අභිරුචිය උපන්බිමේ.

එනමුදු මම ම සුන්දර උපන්බිමේ,
කඳුළු තුල මිලින කළෙමි තම ශෝකය.
ඔහ් පෙනෙන්නේය සීතල සෙහොන තුල
මාගේ කිරා වැටීමට හා නින්දයාම.

1915.
සෙර්ගේයි යෙසිනින්.
රුසියන් බසින් සිංහල බසට,

ෆීලික්ස් ප්‍රනාන්දු.

Tuesday, March 21, 2017

චිත්තාපර ලෙනින්.




දකිමි දෑස් ඔහුගේ කබලට වණින්,
ගෞරී හිසකේ හණ වැන්න.
මා අභිමුඛයේ වලෝද්‍යා උළියානෝෆ්,
දිවියේ අපි හමුවන්නේ මුල්වරට නොවේ.

මතකයි, ඉගෙනිමට පාසැලට මා ආ යුරු,
පොත පෙරළුවෙමි
යන්තමින් කනස්සලු වන,
හමුවුනෙමි ඔහු සමගින් මුල් පිටුවේ:
එලෙස විවර වන්නේය අපගේ මං පෙත.

සියවසක්,නොහික්මුණු සයුර මෙන්, පෙණ ලන.
ඔහු තුල සැනසීමක් නැත්තේය, විවේකයක් නැත්තේමය.
බලන්නේය ප්‍රතිමූර්තිය තුලින් චිත්තාපර ලෙනින්,
රාජාලියෙකු සේ සුපරීක්ෂාකාරී මනහර බැල්මෙන් ලොව දෙස.

ඔහු අපහට අගය ඇති සේය!
යමි මිටියාවත්
ගමේ අවදිවෙමි හිමිදිරියේ,
සවන් යොමමි
අමතන්නේ ය ඔහුට මව්බිමේ පුතු සේ,
සවන් යොමමි
හඳුන්වන්වති ජනයාගේ පියා සේ.


රසූල් ගම්සාතෆ්.
රුසියන් බසින් සිංහල බසට,

ෆීලික්ස් ප්‍රනාන්දු.

Friday, March 17, 2017

යොවුන් බෙරකරු.



අපි කාලතුවක්කු ප්‍රහාර එල්ල වී බිඳ වැටුණු පාර මතින් ගියෙමු,
අපි මරණය දුටුවෙමු මුහුණට,
ඉදිරියට ඇදුනේය හමුදා අනුකණ්ඩ
ස්පාටකස්වරුන්ගේ, නිර්භීත සටන්කරුවන්ගේ.

අප අතරේ සිටියේ ය යොවුන් බෙරකරුවෙක්.
ප්‍රහාරවලදී ඔහු ගියේ ය ඉදිරියට
තුටු වෙනත් බෙරයක් සමගින්,
බොල්ෂෙවික්වරුන්ගේ ගිනිසිළුව සමගින් හදවතේ.

එක් රැයකදී නැවතුම් පොළේ
ඔහු ගීතයක් උද්යෝගිමත්ව ගැයුවේ ය,
එනමුදු, සතුරාගේ උණ්ඩයෙන් පහර ලැබ,
අවසානය දක්වා ගායනා කිරීමට නොහැකි වූයේ ය.

සිහින් සිනහවකින් යොවුන් බෙරකරු
කොරොස් මිහිමතට වැටුනේ ය,
නිහඬ වූවේ ය අපේ යොවුන් බෙරකරු,
ඔහුගේ බෙරය නිහඬ ය.

නිහඬ වන්නට විය සටන් පැවති වසර,
අවසන් ය අපේ තේජාන්විත පාගමන.
මරා දැමුණි අපේ යොවුන් බෙරකරු,
එනමුදු ඔහු පිළිබඳ ගීතය නොමැරෙන්නේ ය.


1929.
මිහායිල් ස්වෙත්ලෝෆ්.
රුසියන් බසින් සිංහල බසට,
ෆීලික්ස් ප්‍රනාන්දු.

Tuesday, March 14, 2017

ලෙනින්ගේ ගීතය.



ජයග්‍රහණයේ කළඑලි උත්සවය හා එදිනෙදා දිවිය තුළ ශ්‍රමය,
වපුරමින් කෙත, ගොඩනගමින් නගර,
සෝවියට් දේශය මත, සිය රාජ්‍යය තුළ
අපි ලෙනින්ගේ ගීතය ගයමු.

ලෙනින් - අමරණීය සංකල්පයේ රතු ධජය යි,
ලෙනින් - ගිණිහුළයි සිහින් මීදුමේ.
ලෙනින් - විශ්වාසයයි, බලාපොරොත්තුවයි ජනතා සවියේ,
කොමියුනිස්ට්වාදය තුස්නා මිහිතලයේ.

වදන “ ලෙනින් “ සියළුම භාෂාවන්ගෙන් අර්ථවත් ය.
ලෙනින් නාමය ශක්තිමත් හා විශ්වසනීය දෑත් තුළය.
ලෙනින් සැමදා ජනයා සමගයි, චිරස්ථායි, කඩිසර
අපේ හමුදාව වැලපෙන්නේ ය අවිහරඹයන්ගෙන්.

මහත් කැළඹීමෙන් පිබිදුණු එළිමහන් බිමේ
අයිතිවාසිකම් රහිත මිලියනයක් ජනයා වැලනොකැඩී ආවෝ ය.
“ ලෙනින් “ වදනින් විශ්වාසීව හා චිරස්ථායිව සටනේදී
කොමියුනිස්ට්වාදීහු දිවුරුම් දෙති.

පැමිණෙන්නේ ය සමයක් - ශක්තිමත් හා නිර්භීත
සියළු ජනයා සටනේදී මිහිමත විලංගු බිඳ දමන.
අප සමගින් හා ලෙනින්ගේ මුරකරුවන් සමගින්,
පිබිදෙන්නේ ය ලොව ජය මාවතේ!

ලෙනින් - අමරණීය සංකල්පයේ රතු ධජය යි,
ලෙනින් - ගිණිහුළය සිහින් මීදුමේ.
ලෙනින් - විශ්වාසයයි, බලාපොරොත්තුවයි ජනතා සවියේ,
කොමියුනිස්ට්වාදය තුස්නා මිහිතලයේ.....

1960.
අලෙක්සේයි සූර්කෆ්.
රුසියන් බසින් සිංහල බසට,
ෆීලික්ස් ප්‍රනාන්දු.

Sunday, March 12, 2017

ස්මරණය.



වත්මන් ඔක්තෝම්බරය එවක වූව නොවේ.
එවක වූ ඔක්තෝම්බරය වත්මනේ නොවේ.
දේශයේ, කොතැනද හඬනැගෙන්නේ සදොස් වාතාවරණය,
අතිශයින් ප්‍රීතිවිය හා මොරදුණි
ඔක්තෝම්බරය, සේ මෘගයෙකු,
ඔක්තෝම්බරය දහහත්වන වසරේ.

මම සිහිකරමි අඳුරු වූ
හිමෙන් වැසුණු දිනය.
එය මම බැලුවෙමි නීරස බැල්මෙන්.
යකඩ සෙවනැල්ල රැඳි සිටින්නේ ය
අඳුර විහිදුණු පෙත්රෝග්‍රාද් මතින්.


සියල්ලෝ ඉව ඇල්ලුවෝ ය අකුණු කුණාටුවට,
සියල්ලෝම දැනසිටියෝ ය කුමක්දෝ එය,
දැනසිටියෝ ය,
නොවේ අනිවාර්ත, දැනගැනීම, ගෙනයති
සොල්දාදුවෝ යකඩෙන් වූ කැස්බෑවෝ.

විසිර හැරියෝ ය.....
හිඳ ගත්තෝය පෙළට.....
සබයේ දී සලිත විය කලවයේ කණ්ඩරාව.....
කවරෙක් හෝ අනපේක්ෂිතව ඉරා දැමුවේ ය පෝස්ටර
බිත්තිවලින් බියසුළු ආණ්ඩුක්‍රම සම්පාදක මණ්ඩලයේ.

ආරම්භ වූයේ ය....
වීසිවිය දෙනෙත්,
සිවිල් යුද්ධයේ කම්පාවට
හා ගිනිදැල්වල දුමාරයෙන් අව්රෝරාවේ
නැගුනේ ය යවුල් අරුණෝදය.




සමාප්තවූයේ ය ශාපලත් ඉරණම,
දේශය මතින් මොරහඬ දෙමින් කලාල
වැගිරුණේ ය අභිලේඛන ගිනිගත් :
කම්කරු සභාව නියෝජිතයින්ගේ.

1924.
සෙර්ගේයි යෙසීනින්.
රුසියන් බසින් සිංහල බසට,
ෆීලික්ස් ප්‍රනාන්දු.

Saturday, March 11, 2017

කොමියුනිස්ට් වාදියෙනි, සියළුම දෑත් ඔබ වෙත ඇදෙයි.....



කොමියුනිස්ට් වාදියෙනි, සියළුම දෑත් ඔබ වෙත ඇදෙයි,
බලාපොරොත්තුව සිටිති - විප්ලවය ? එය නොවන්නේද ?
නොවන්නේමය ලෝහිත අප වෙත ඇදෙන මොස්කව් නගරය,
නද දෙමින් ජාත්‍යන්තරයේ?

පුවතෙන් පුවතට, විප්ලවයේ, අරගලය,
දුම්රිය වැඩ වර්ජන.....
හමුවිය බර්ලීනයේ බොල්ෂෙවික්වරයෙක්, වහ‍ලෙක් නොවේ
ධනේෂ්වරයෝ නදදෙති බර්ලීනයේ.

බිඳ දමමින් සීමා මායිම්,
පියමනිමින් සියවස් ගණනක් කඳුමතින්,
අප වෙතට පැමිණෙන්නේය, ප්‍රංශ ජාතිකයින්,
රතු සත්‍ය බොල්ෂෙවික්වරුන්ගේ.

සියල්ල බොල්ෂෙවික්වාදය වෙතට මග පෙන්වන්නේය,
පිටව නොයන්නට රතු යෂ්ටියෙන් ඉවතට,
ජනසමූහය එංගලන්තය පුරා නියතවම යන්නේ ය,
කම්කරුවෝ බිම් ගෙවල් තුලින් එළියට පැමිණෙති.

කුමක්ද සත්‍ය රළ රැස සඳහා,
කුමණ සත්‍ය වෙත පියවර මනින්නේ ද ?
ඇමරිකාව තුලට ජනසමූහයා පැමිණෙන්නේ ය. වෙඩිබෙහෙත් සේ,
වහා ඇවිලෙන්නේය කම්කරු ඇමරිකාව.

කම්කරුවන් නොසිටින, එවන් රටක් පවතින්නේද,
එතැනදී ශ්‍රමය නොපවතින්නේය හා ප්‍රාග්ධනය!
කම්කරුවාගේ හදවත සෑම රටකම
බොල්ෂෙවික් සත්‍ය ප්‍රාග්ධනයයි.

අනුකම්පා නොකරන්නේ ය කිසිවෙකුට පහර,
දින ගෙවීයන්නේ ය හෙල් මුදුනේ,
හා ජීවත්වීමට අපේක්ෂා කරන්නේ ය කම්කරු බලය යටතේ
සියළු රටවල් හා සියළු නගර.

කිසිඳු බියක් නැති බැඳීම්.
එම සත්‍ය නිවාදමන්නේ නැත, හිරු සේ කිසි දිනක
එකක්වත් නිවානොදමන්නේ ය මහෝදරයින්!


1920 මාර්තු.
ව්ලදිමීර් ව්ලදිමීරෝවිච් මයකෝව්ස්කි.
රුසියන් බසින් සිංහල බසට,

ෆීලික්ස් ප්‍රනාන්දු.

Thursday, March 9, 2017

ලෙනින්.



ඔහු කවරෙක් වූයේද?
පුරෝගාමියෙක්, මිහිකතේ අනුශාසකයාය
ජනතාවගේ ඉච්ඡාව, කවරෙක් විසින් ද වෙනස් කලේ
මිනිසත්කමේ මංපෙත, කවරෙක් විසින් ද මිරිකා දමන ලද්දේ
එක් ධාරාවක් තුල තරංග කාලයේ.
ඔක්තෝම්බරය ඇතිරුවේය දිවිය තුල නව යුගයක්,
මහේශාක්‍යභාවයෙන් සියවස වෙන් කලේ ය,
සියළු යුගයන්ට වඩා, සියළු පියවරයන්ට වඩා,
පුනරුදයට වඩා හා අත්තීල් දින.
මිහිකත පෙර සේ ඉවසන්නේ ය, දුබලකම් හා වරදට යොමුවන්නන්;
මිහිකත නැවුම්, සමස්ථ සාගර
වැඩෙන්නේ ය ඔක්තෝම්බරයේ කුණාටුවෙන් : ලෙනින්
ලොව අද්දර ,සේ දැවැන්තයෙක්.
මිහිකත! හරිත ග්‍රහයා!
අසාර ගෝලය ග්‍රහ පවුලේ!
නුඹගේ මහිමය - ඒ නාමය
තේජස අතරින් නුඹේ - ලකල් නොවේ!
ඔහු මියගියේ ය; එක් නිමේෂයක් විය
යුග ගණනක්; එනමුදු කටයුතු ඔහුගේ පරිමාව
ඉක්මවා ගියේ ය දිවිය, හා හෙළිදරව්ව
ඔහුගේ - රැගෙන යන්නෙමු ලොවට.

1924 ජනවාරී 25.
වලේරි යාකොව්ලේවිච් බ්රූසෆ්.
රුසියන් බසින් සිංහල බසට,

ෆීලික්ස් ප්‍රනාන්දු.

Monday, March 6, 2017

ජනතා ජයග්‍රාහකයා.




ආපසු පැමිණියෝ ය සොල්දාදුවෝ යුද්ධයෙන්.
රේල්පාරවල් මතින්
දවාලයේ හා රාත්‍රියේ දුම්රිය ඔවුන්ව ගෙන ආවේ ය.
කබා ඔවුන්ගේ දූවිල්ලෙන් වැසී ගියේ ය.
හා දහදියෙන් තවත් ලුණු රස එකතු වන්නේ ය
ඒ වකවානුව නිමක් නැති වසන්තයේ ය.

ආපසු පැමිණියෝ ය සොල්දාදුවෝ යුද්ධයෙන්.
මොස්කව් නගරයේ ඇවිද්දෝ ය හා ටක්කෙටම සිහින,
උණුසුම්ව ඇත හා මත්ව ඇත,
උද්‍යාන මලින් පිරී ඉතිර ගියේ ය.
සත්ව උද්‍යානයේ හස්තීහු කුංචනාද කළෝ ය,
ආපසු පැමිණියෝ ය සොල්දාදුවෝ යුද්ධයෙන්!

ආපසු පැමිණියෝ ය නිවසට මහල්ලෝ
හා බොහෝ සෙයින් තරුණ පියවරු
මොස්කව් නගරවාසීහු, ලෙනින්ග්‍රාද් නගරවාසීහු, දොන් නගරවාසීහු..
ආපසු පැමිණියෝ ය සයිබීරියානුවෝ!

ආපසු පැමිණියෝ ය සයිබීරියානුවෝ
දඩයක්කරුවෝ හා මසුන්මරන්නෝ,
හා බරවාහන රියදුරෝ,
බළය දරන්නෝ සාමකාමී මිටියාවත්හී,
ආපසු පැමිණියෝ ය ජනතා යෝධයෝ

1945.
ලිඔනිද් මර්තීනෆ්.
රුසියන් බසින් සිංහල බසට,

ෆීලික්ස් ප්‍රනාන්දු.