Wednesday, May 31, 2017

යක්ෂයා සමග නුරාවෙන්.



කෙතරම් සුදුමැළි හා ලකල් නයිට්වරයා
පිම්මේ ගියේ ය කළු තුරඟා මතින්,
කිනම් දිව්‍යමය විහඟෙක් ද
කරකැවුනේ ය ඔහු මතින් ආකාසේ ?

ශෝකී බැල්මක් ඔහු මුදා හැරීයේ ය
මගේ මලින්බර කවුළුව මතට,
ඇයි ද මට දැනෙන්නේ දැරිය නොහැකි බවක්
උපන් දෙස දිගු කලක සිට හඳුනන ?

ඇයි ද මගේ වැඩිමල් සෙහොයුරා භීතියේ
ප්‍රකම්පනයේ මන්ද දීප්තියෙන් සෙලවෙමින් ඇවිලෙන්නේ ය ඉටිපහන්
පිටතට ගත්තේ ය උමගෙන් කවචය
හා මුවහත් කලේ ය හෙලි හා අසිපත් ?

ඇයි ද අද පල්ලියේ
සියල්ලෝ එක්රැස් වූයේ, කියෙව්වේය ගීතිකා,
අන්ධකාරයේ පූජකයෝ ගැයුවෝ ය
දිවුරුම තිමිරයට හා අන්ධකාරයට එරෙහිව?

පහතට වැටුනේ ය අන්ධකාරයේ නක්ෂත්‍රචාර්යා
සූනියම් කුළුණ සමගින් නිවසේ,
ඇයි ද එතරම් නොපුරුදු දිගු කලක් වූයේ
ඔහුගේ වාදය මගේ මහළු පියා සමගිනි?

නොදනිමි මම, කිසිවක් නොදනිමි,
මම තවමත් එතරම්ම තරුණය,
එනමුදු මම නොවැළපෙන්නේමි, ඉකිබිඳිමි,
සිහින දකිමි සැමදා.

1907 අප්‍රේල්.
නිකළායි ගුමිලේෆ්.
රුසියන් බසින් සිංහල බසට,

ෆීලික්ස් ප්‍රනාන්දු.

Friday, May 26, 2017

වසන්තයේ දුම්රිය.





පළමු  දිනය. දුම්රිය වේගයෙන්
ඇදෙන්නේ තියෝප්ලස්තාන් වෙතින්ය.
කවුළු තුළින් ඉගිලෙති ගිරි,
ගස් හා ටියුලිප් මල්.

පසුව කාලසටහන මත
පාළු ශ්‍රීෂ්මාධික සහින් හඬ
නැවතුම් පල, හැඳින්වෙන!
සක්සාඋල්.

දෙවන දිනය. එනමුදු සියල්ල එසේමය
පාළු නිස්සාර පළාත.
ඔබ හිතනවාද කවදාද
අවසන් වන්නේ එය?

ඉතින් මෙන්න වනාන්තර හා ස්ටෙප්ස් තණ බිම්.
මම අධෛර්ය්‍යට පත් නොවීම පිණිස,
සියළු ප්‍රභාවයන් තුල
ගලන්නේ ය උරාල් ගඟ.

තෙවන දිනය. දකිමි නැවතත්
සුන්දර වනපෙත්.
තම්බෝෆ් අක්ෂාංශය මත
ආසිරිගන්වති වසන්තය.

වේගය ලබාගනිමින්,
ගුවන් යානයක් සේ “ දුම්රිය 2 “
ඉගිලෙන්නේ ය වසන්ත දුම්රිය
ආල්මා ආතා - මොස්කව්!


නිකළායි ග්ලාස්කෆ්.
රුසියන් බසින් සිංහල බසට,
ෆීලික්ස් ප්‍රනාන්දු. 

Thursday, May 25, 2017

අැපල් මල.






සුදුවතින් බබළයි ඇපල් මල
කලකිරීමක් නැත.
ලාලනය කරති බැල්ම අරණේ හා ඔවිටේ
එනමුත් නැත තුසර.
ගලයි ප්‍රබෝදමත් ඟග
හා ඉවුරු
කැරකැවෙන්නා සේ
මියුරු ජලය ආසන්නයේ.

කදිමට සියලු ජනයාට හැක්කේ ය
කිමිදීමට මෙහි.
හිරුගේ සිනහව සොදුරු පැයේ දී
අප තෙක් විහිදෙන්නේ ය.
උණුසුම ලකල් ය ගිම්හාන දිනයේ,
සෙවනැල්ල ආසන්නයේ.
අන්න එලෙස හා විතාරන්නේ ය මගේ කවි
එවායේ ඒකත්වය.


1976.
නිකළායි ග්ලාස්කෆ්.
රුසියන් බසින් සිංහල බසට,

ෆීලික්ස් ප්‍රනාන්දු.

Monday, May 22, 2017

බෙලහීනකම.





බලමි සයුර දෙස.


බලමි සයුර දෙස ලොල් දෙනෙතින්,
මිහිකත වෙත බැඳුනු, ඉවුර මත....
සිටිමි ප්‍රපාතය මතින් - තිදස මතින්,
ඉගිළෙන්නට නීල අහසට නොහැක මට.

හැඟුනේ නැත මට, නැගිට සිටීම හෝ යෙමුවීම,
නැත වීර්යය නොමැරීසිටීමට, ජීවත් නොවීමට...
මට දෙවියන් ආසන්නය - එනමුත් නොහැක්කේ ය මට යදින්න,
කැමැත්තෙමි ආදරය කිරීමට - හා නොහැක්කෙමි ආදරය කිරීමට.

මම හිරු වෙතට, හිරු වෙතට දෑත් දිගුකරමි
දකිමි අළුපැහැ වළාකුල් වියන...
මට හැඟියන්නේ ය, යථාර්ථය මම දිනිමි
එය සඳහා පමණක් නොදනිමු වදන්.


1894.
සිනයිදා ගිප්පිඋස්.
රුසියන් බසින් සිංහල බසට,
ෆීලික්ස් ප්‍රනාන්දු.

Sunday, May 21, 2017

සුනාමිය.




පිරුළක් හඬනගන්නේ ය අත්‍යාලංකෘත :
ඇගයෙන්නේ නැත පසුගිය වසරේ නබෝගැබ,
නැවත පැමිණෙන්නේ නැත - කවදා කොතැනද වූයේ පාරාදීසය,
ඉවතලන්න අනුවනකම් කිරීම - එන්න මෙහාට, කොතැන නොසිටියත්!

එතැන කුමක් මැවෙන්නේ ද හුදකළාව සොබාදම අප සමගින්!
එතැනට පිවිසෙන්නට අසිරුය හා කටකතාවකි.
එහි සෑම හමුවීමක්ම - ඔහුට සුනාමියකි!
ආත්මය හා හිස තුල කුණාටු සමගින්!

සමාදානය මෙහි, සත්‍ය, කුමකින්වත් මිලදී ගත නොහැක
එනමුදු ඔබ ආපසු පැමිණෙන්නේ ය, කියති දරුවෝ,
විසංවාදී පිරුළු ඔබ ලඟා කරන්නේ ය
ඔබ පැමිණෙන්නේ ය මෙහි, කොතැන කවදාද ඔවුන් හමුවීම!

මෙහි කුමක් මවන්නේද හුදකළාව සොබාදහම අප සමගින්!
මෙතැනට පැමිණිමට අසීරුයි හා දියකඩනයකි.
මෙහි බාගදා උපදින්නේ ය සුනාමි රළ
බිඳවැටෙන්නේ ය සියල්ලම ආත්මයේ හා හිසේ!

සයුර නිසසලය, එනමුත් මිහිමත නැත සංහිඳියාවක්
ආයාමය සොයන්නේ ය ඉලක්කය වළාවන්ගෙන් එහා
අනතුරු ඇඟවීම - කිසිවක් වේනම් එවැනි -
හෝ සංඥාවක් : අවධානය යොමන්න - සුනාමියක්!

මම මේ සමයේ සව්දිය පුරමි මිතුරන් සමග!
සුනාමි - තුච්ඡ රළ.
සිදුවන්නේ ය අනතුරු වඩාත් ප්‍රචන්ඩ සුනාමියෙන්
සතුට බලවත්ය සුනාමියට වඩා.

1969.
ව්ළාදිමීර් විසෝත්ස්කි.
රුසියන් බසින් සිංහල බසට,
ෆීලික්ස් ප්‍රනාන්දු.

Wednesday, May 17, 2017

සතියේ දින.


වාඩිවී සිටිමි හිමිදිරියේ නිල් කෝප්පයක් සමගින්
හා නාසයෙන් ඩිංගක් ඉව බැළුවෙමි.
උත්සව දින දොරකඩය. මේ දැන්
ජීවිතය ඇතුල් වන්නේ ය පථයට.

වැතිරුණෙමි වේලහනින්, දරුවන් සේ.
තාරකා කවුළු වලින් එබි බලති.
හා උදෑසන ආහාරය බුක්ති විඳිමු අපි ආලෝකය මැද,
කවුළුවෙන් එහා අන්ධකාරය.

සතියේ දින ප්‍රවිෂ්ට විය තම අයිතිවාසිකම් තුලට,
හා අපි ඉදිරියට යමු.
හා දිනය මැන්නේ ය, යාත්‍රාව මත සේ,
බොහෝ දින මාවතේය.

වීදුරු මත ඈඳිගන්නේ ය සිසිරයේ තුසර,
හිමිදිරිය කැළඹෙන්නේ ය.
කොදෙව් අතරන් ඉරිදා
සතිය සයුර සේ.

කුමක් නමුත් ඇත ඒ දිවි මගේ,
කුමණ ශක්තිය බෙදා දෙන්නෙද?
සෑම දෘෂ්‍යමාන මතුපිටක් මතම
පිහිනමි මුල් වසරේ නොවේ.

ගමන් කරන්නේ ය නෞකාවක්. ජලය කැරකෙන්නේ ය.
ඉඩ හසර ඇති වටා පිටව.
හා නොසැළෙන සංචරනය
ක්‍රියාත්මක අවර පෙත්ත.

1957.
කන්ස්තනීන් වාන්ෂෙන්කින්.
රුසියන් බසින් සිංහල බසට,
ෆීලික්ස් ප්‍රනාන්දු.

Saturday, May 13, 2017

අවදි වුනෙමි මම.






අවදි වුනෙමි මම.
හිමපියලි අසමත් විය
මිහිකත සිප ගැනීමට.
පළමු හිම පියළි....
ඒවා දැකීමෙන් විගසම කුමක් දෝ සුවයක් දැනෙන්නට වූවා සේය,
ඒවා දැකීමෙන් කුමක් දෝ මිදුනා සේය මා තුල.
හිම පියළි එඩිතර විය, එඩිතර විය, ඇද හැළුනි
ඔබගේ හා මේ දිසාවේ,
ඔබට මා හීනෙන් පෙනුනා වියහැක,
හිමිදිරියේ මට ඔබව හීනෙන් පෙනුනා සේ.


වික්තර් ඉවානවිච් ගෙරාසින්.
රුසියන් බසින් සිංහල බසට,
ෆීලික්ස් ප්‍රනාන්දු.

Tuesday, May 9, 2017

සිලෝන් ( සිහල ද්වීපය ).

මිහිමඬලේ ළඟ පාත,
විජන විවික්ත වෙරළබඩ,
ධ්‍රැවය තෙක් විවට සයුරයි....



මාතර - ඕලන්දක්කාරයින්ගේ බලකොටුවයි. අගල් හා ප්‍රකාර,
ඒවා තුළ ද්වාර... සෙවන ඇති මංපෙත්
පොල්රුප්පාවේ, පොල් අතරින් -
ගෙපැල් සිංහලයින්ගේ..දකුණු පසින් කාන්තිය විහිදෙන,
උණුසුම් තාපී වියළි මුහුදු වැල්ල හා සයුර ය.


තුඩුව දෙවුන්දර ඉපැරණි තාල ගස් තුළ ය. එහි නැවුම්ය,
මෝසම මිහිරට ඇදෙන්නේ ය, ආලින්දය යට
හෝටලයේ කණු මත - සිලිල හඬය :
එය, බමනය වෙමින්, සෝදාහරින්නේ ය අශ්මරී
කැකැරෙන්නේ ය සේද පෙණවලින්...



ඊලඟ අද්දර,
පිළිසරණක් නැති. වනයේ කුඩා,
කඳුකර, ඉමක් කොනක් නැති. ඕදාත දුහුවිල්ලෙන්
කණ වන්නේ ය දෑස්... මාරුකරති අශ්වයින්,
රැස් කන්නෝ ය දරුවන්, යාචක... හා නැවත
බලන්න නුඔ දැවෙන මාවත මතින්,
මුහුදු බොක්ක මත. කවුඩා,
හරිත - නීල පිහාටු වලින් යුත්, විවේක ගන්නේ ය
රන් හූයන් මත විදුලි ලිපියේ....

කළපුව රන්න අවට - ඉඳුනිලක් සේ ය.
හාත්පස රත් ගන්වන්නෝ ය රෝස රණහංසයින්,
මඩ කඩිති තුළ කිරති මී හරක්. ඒවා මතින්
සිටිති, සුදට දිළෙන කොක්කු, හා ගුමුගුමුව සමගින්
දිදුළති මැස්සෝ...ඉහලට, කොළ අතු අතරින්,
විසල් නෙත් සිසාරා විහිදුවමින් බලති වඳුරෝ....






පසුව නැවතත් කසඩ ගම්මණ්ඩියේ,
දුසිමක් දුගී නිවාස. සයුරේ,
බැසයන හිරුගේ කාන්තියෙන්, රෝස පැහැ ගෝමරය
නිසල රුවල්, පිටුපසින්, ලන්ද තුළ,
එළ නිල් කඳුය... රාත්‍රියේදී කවුළු තුළින්
එබි බලන්නේ ය තාරකපති ...එනමුදු හිමිදිරියේ නිල්වන්
හා නිකැළැල් අඹරේ - බමුණු ගිජුලිහිනි,
කෝපි වන්, මැටි හිසින් යුත් :
ලුහුබඳිති රළගෙඩි තුළ මත්සකයින්....



යළිත් මංපෙත :
ලා නීල විල, වලය
සුදු ලුණුවලින්, වැවී හා වැසී ඇත.

සියල්ල වනගත ය හා ළකල්  ය, ඒදන් උයනේ සේය:
නෙරන්නේ ය කූරු ඇකේෂියා, රක්ෂා කරමින්
රටාගත මෙළොක් අතු ඉති,
මලින් වැඩුණු සිහින් පතොක්, මිලින වන්නේ ය
සොඬ ඝන වැල් තුළ... ගින්නක් මෙන්
ජ්වලිත ගුරුලේත්තුව මානෙල් රූරා හැලෙන,
කළු සලබයෝ සසලවෙති... ඕවිටේ
වැතිරෙන්නේ ය මහ තලඑළලු : පිඹුරා....
මෙන්න හීන්සීරුවේ එතෙන්නේ ය, බඩගා යන්නේ ය අහකට

මුණ ගැසෙන්නේ ය බනේ කරත්ත. පියසි ඒවායේ,
පිදුරු හෙවිලි කර ඇත, ඈතට නෙරා යන්නේ ය
හා ඉදිරියට හා පසුපසට. ඊලය තුළ ගොන් බානේ,
පොරෝදුවේ අනින කොටු ය :
“ මෙක්, මෙක් “ හඬතලන්නේ ය බක්කිය, සියල්ල නිරුවත්,
ලකල් කාල සිරුරෙන් හෙබි... මෙහි වෙරලේ වැලි,
ගියේ ය තාලගස් - නීල ගැබේ එහා මෙහා යති
ඒවායේ පවන් සලන කොළ, ගයති
වනාන්තරවල කුකුළෝ, එනමුත් කේඩෑරි, අපූර්ව,
අපේ තරුණයින් සේ.... මුදුනේ
කරකැවෙති රාජාලි, සසල වන්නේ ය තියුණු ඇස් ඇති උකුස්සා
තණ බිස්සේ හරහා දුවති සුන්දරව
සිලිබිල්ලෝ, කැස්වටුවෝ...රුක් මත
සිටිති ඔටුනු මොණරු...හදිස්සියේ ම ලි කඳෙන්
දිව ගියේ  ය කිඹුලා, වැටෙනවා ඇසුණි වතුරට
හා ටක්කෙට ම වෙඩි බෙහෙත් පුපුරවා හැරියේ ය මසුන්මරන්නා!

එහිදී නිතර මුණගැසෙන්නේ ය අලියෙක් : සිටිමින්
හා කිරාවැටෙන්නේ ය ඕවිටේ, පුන් හිරු රැසේ ;
එහි දිවියා, ඌ කෑදරයෙකි, ඌ බුදින්නේ ය,
බල්ලෙක් මරා දමන විට, හදවත පමණක් ;
එහි ඌරෝ හා ඉතා අලස වලස්සු ;
එහි ඉත්තෑවෝ, දුවති දිය පානයට,
මතු කරමින් ඉපනැලි, බියකරු ලෙස කඩිසරය,
දොම්නස් ව, කනස්සල්ලෙන්....

මෙහි සිට,
ඒ වනරොදෙන්, ඒ වෙරළෙන්
ධ්‍රැවය තෙක් විවට සයුරයි ...


1916 ජූලි 27.
ඉවාන් බුනින්.
රුසියන් බසින් සිංහල බසට,
ෆීලික්ස් ප්‍රනාන්දු.