දිවා කාලය ම නිදති නිශාවේ පිබිදෙන කුසුම්.
මම ඔබට
කිසිවක් නො කියමි
ඔබට සන්ත්‍රාසය
ඇති නො කරමි හාංකවිසියකින්
එතරම් ම මම
නිහඬ ව නැවත කියමි
එඩිතර නො වෙමි
කිසිම ඉඟි කිරීමට.
දිවා කාලය ම
නිදති නිශාවේ පිබිදෙන කුසුම්
එනමුදු හිරු
බැස යන්නේ ය අරඹෙන් එහා
නිසොල්මනේ ම
විවර වෙති නෑඹුල් පත්
මම සවන් දෙමි, හදවත පුබුදින්නේ කෙසේ ද කියා .
ගිලන්, විඩාබර
ළපැත්ත තුළ
හමා යන්නේ ය
රාත්‍රී දිය සීරාව.... වෙවුලමි සීතලෙන්
ඔබට සන්ත්‍රාසය
ඇති නො කරමි හාංකවිසියකින්
මම ඔබට
කිසිවක් නො කියමි.
අෆනාසියි
අෆනාසියෙවිච් ෆ්යෙත්.
1885.
රුසියන් බසින්
සිංහලයට,
ෆීලික්ස් ප්‍රනාන්දු.
2000.
No comments:
Post a Comment