Saturday, March 7, 2020





හිම මල් වෑහෙන ගොළු රැයක           සිසිරයේ
බින්දා අප දැහැන් සැර සහසකින්       කම්පසේ
ගිලුනා පුන් සඳක් මුතු පිණි වෑහෙන   වැස්සේ
ගිලිහුනා සුසුමක් උණුසුම්                  ලමැද්දේ.

විහග හැගුම් පොපියයි රත් තුඩග        දෙතොල්
දෑගිලි වෙලෙයි නොමැතිව හූයක්       රන්වන්
සැනසී ඉපිලයයි පියයුරු පුන් තිසර     ගමන්
හිම මල් රකියි නොකියන රහසක්      කාටත්

තුන්යම රැයේ වෑහුනු මල් හිම දියව    ගියා
මිලින දෙනුවන් ඈගේ නිල් පළිගු       වෙලා
තිසරුන් විඩාබර වී ළමැදේ නින්දකට ගියා
කුළුඳුල් පෙමක අසිරිය අප වසඟ        කළා.


ෆීලික්ස් ප්‍රනාන්දු,
1989,
මොස්කව් හී දී.

3 comments:

  1. මම රේඩියෝ කවි වැඩසටහනක් කරනවා. ඔබ අවසර දෙනවා නම් මම ඔබේ කවි ඒකට ගන්න කැමතියි . ඔබේ විද්‍යුත් තැපෑල මට එවන්න. එවිට වැඩසටහන ගැනත්, කවි ප්‍රචාරය වූ පසු ඒවාත්, ඔබේ කවි වල ගායනා පිටපතුත් ඔබට එවන්න පුළුවන් . මගේ විද්‍යුත් තැපෑල anuruddhawe@yahoo.com

    ReplyDelete