නමවන කොටස.

අණදෙන්නෙකු හා අරගලකරන්නෙකු ලෙස ස්තාලින් යුධ කළාවේ ප්‍රවීණත්වය විදහා දැක්වූයේය. 1942 මැයි මස 1 වන දින ස්තාලින්, රතු හමුදාව සතුව සතුරා විනාශ කිරීමටත්, සෝවියට් දේශයෙන් සතුරා පන්නා දැමීමටත් සියළු හැකියාව ඇති බව සනාථ කලේය. සටන් පුහුණුව තවදුරටත් වැඩි දියුණු කිරීමේ අවශ්‍යතාවය ස්තාලින් විසින් නිතර නිතර අවධාරණය කලේය. යුධ උපකරණ භාවිතා කිරීමට අවශ්‍ය වන දැනුම හා කුසළතා වර්ධනය කිරීම අනිවාර්ය කිරීම ස්තාලින්ගේ මූලික උපක්‍රමයකි.

        1942 වර්ෂයේ යුරෝපයේ දෙවන පෙරමුණක් නොමැති වීම ප්‍රයෝජනයට ගනිමින් ජර්මාණුවන් ඔවුන්ගේ සංචිත මාරු කරන ලදී. එහිදී ඔවුන්ගේ මිතුරන් හා භට පිරිස් ප්‍රධාන තැනක් ගත්තේය. ස්තලින් විසින් ජර්මාණුවන්ගේ විධාන සැළැස්ම කාලීනව අනුමාන කලේය. ස්තාලින්ගේ නියෝගය පරිදි සෝවියට් හමුදාව උතුරු වෙත ගමන් කරන සතුරාගේ මාර්ගය අවහිර කලේය. 1942 වර්ෂයේ ජූලි මස මධ්‍ය භාගයේදී ජර්මාණුවන් ස්තාලින්ග්‍රාද් නගරයට කඩා වැදීමට ආරම්භ කලේය. සෝවියට් පෙරමුණ බිඳ දැමීම හා දිගින් දිගටව උතුරු වෝල්ගා ප්‍රදේශය වෙත ආක්‍රමණය දියත් කිරීම වේ. කුමණ පිරිවැයක් හෝ දරා ස්තාලින්ග්‍රාද් නගරය ආරක්ෂා කරන ලෙස ස්තාලින් එම පෙරමුණේ අණදෙණ නිළධාරින්ට නියෝග කලේය.

“ මම නියෝග කරමි, ස්තාලින්ග්‍රාද් ආරක්ෂා කිරීමට ඔබ විසින් සියළුම ක්‍රියාමාර්ග ගතයුතු බව. ස්තාලින්ග්‍රාද් සතුරාට යටත්විය යුතු නැත.“ ( ප්‍රාව්දා, නො. 28, 1944 පෙබරවාරී 02.)

        යුධ ඉතිහාසයේ ශ්‍රේෂ්ඨතම සටන ලෙස රුසියානුවන් හඳුන්වන ස්තාලින්ග්‍රාද් සටන ආරම්භ විය. රතු හමුදාව වීරත්වයෙන් වොල්ගා නදිය මතවූ ප්‍රසිද්ධ නගරය ආරක්ෂා කලේ ස්තාලින්ගේ නමින් එම නගරය නම් කරමිනි. ස්තාලින්ග්‍රාද් යුධ පෙරමුණේ අණදෙන නිළධාරීන් හා දේශපාලන උපදේශකවරුන් ස්තාලින් වෙත ලිපියක් යොමු කලේය. එහි සෑම වදනක්ම දිවුරුමක් සේ විය.

“ අපගේ සටන ඉදිරියේ, සමස්ත සෝවියට් රට ඉදිරියේ අපි දිවුරා කියන්නෙමු, රුසියානු අවි වලට නිගා නොකරන්නෙමු, අපි අවසානය තෙක් සටන් කරන්නෙමු. ඔබගේ නායකත්වය යටතේ අපේ පියවරුන් ත්සාර්ට එරෙහි සටන ජයග්‍රහණය කලහ. ඔබගේ නායකත්වය යටතේ ජයගන්නෙමු හා දැන් මහ සටන ස්තාලින්ග්‍රාද් මතින් “ ( ප්‍රාව්දා, අංක 310, 1942 නොවැම්බර් 6 වනදා )

සතුරා ස්තාලින්ග්‍රාද් හා කොකේසියානු කදු පාමුල පරාජයෙන් ඇද වැටෙද්දි, සෝවියට් දේශය ශ්‍රේෂ්ඨ ඔක්තෝම්බර් සමාජවාදී විප්ලවයේ 25 වන වර්ෂ පූර්ණය සැමරුවේය.

“ මම සිතනවා, වෙනත් රටකට හෝ වෙනත් හමුදාවකට ෆැසිස්ට් හමුදාව වළක්වන්නට නොහැකි වූ අතර සෝවියට් හමුදාව ඔවුන් වැළැක්වූ බව. අපේ සෝවියට් රජය, අපේ රතු හමුදාව පමණක් මෙවැනි අමානුෂික ප්‍රහාරයක් වැළැක්වීමට සමත්විය. නොනැසී සිටීමට පමණක් නොව ජයගැනීමට හැකිවිය. ( ජෝසෆ් ස්තාලින්. සෝවියට් දේශයේ දෙවන ලෝක යුද්ධය, 5 වන මුද්‍රණය, පිටුව 69 - 70).

        ස්තාලින් රතුහමුදාව ඉදිරියේ ඉලක්කයක් තැබුවේය. සතුරාට ඉදිරියට යාමට ඉඩ නොදිය යුතු බව හා සැළසුම් සහගත අනපේක්ෂිත ප්‍රහාරයක් එල්ල කලයුතු බව ස්තාලින් නියෝග කලේය.

        රතු හමුදාව හා සමස්ත සෝවියට් ජනතාව තම නායකයා හා සේනාධිපතියා නිතර නිතර සිහිපත් කලේය. මිලියන ගණනක් කම්කරුවන් හා ගොවීන් හමුදා උපකරණ නිෂ්පාදන හා යුධ පෙරමුණ හා හමුදාව වෙත ආහාර නිෂ්පාදනය වේගයෙන් ඉහල දැමුවේය. සෝවියට් ජනතා ජයග්‍රහණය ස්ථීර බව මහජන කොමසාරිස් ස්තාලින් 1942 වර්ෂයේ නොවැම්බර් 7 වන දින ප්‍රකාශ කරන ලදී.

        “රස්තොෆ් වලදී, මොස්කව් වලදී, තිහිවින් වලදී සතුරා රතු හමුදාවේ දැඩි ප්‍රහාරයට ලක්වන බව ස්ථීරය. ලඟම දිනකදී සතුරා රතු හමුදාවේ අළුත් ප්‍රහාරයේ ශක්තිය දකිනු ඇත.අපේ විදි මත උත්සව පවතිනු ඇත. ( ජෝසෆ් ස්තාලින්. සෝවියට් දේශයේ දෙවන ලෝක යුද්ධය, 5 වන මුද්‍රණය, පිටුව 81 ).

ස්තාලින්ගේ එම දිදුළන වදන් ජර්මානුවන්ගේ පරාජය තහවුරු කලේය.

        1942 වර්ෂයේ නොවැම්බර් 19 වන දින ස්තාලින්ගේ නියෝගය පරිදි සෝවියට් හමුදාව ස්තාලින්ග්‍රාද් ප්‍රහාරය දියත් කලේය. එහිදී ජර්මානු හමුදාවේ කොටසක් විනාශ වූ අතර ලක්ෂ 3 කට ආසන්න භට පිරිසක් යටත් වූහ. එය ලෝක යුධ ඉතිහාසයේ ශ්‍රේෂ්ඨ ජයග්‍රහණය වශයෙන් නම් කෙරුණි. ස්තාලින්ග්‍රාද් සඳහා සටන එවක යුධ කළාවේ කිරුළ ලෙස හැඳින්වේ. එය ඓතිහාසික ජයග්‍රහණයකි.

“ ස්තාලින්ග්‍රාද් ජර්මාණු හමුදාවේ පරිහානිය වූයේය. මෙම පරාජයෙන් පසු ඔවුන්ට නැවත නැගීසිටීමට නොහැකි විය. “( ජෝසෆ් ස්තාලින්. සෝවියට් දේශයේ දෙවන ලෝක යුද්ධය, 5 වන මුද්‍රණය, පිටුව 113 )

ස්තාලින්ග්‍රාද් අල්ලාගැනීමේ මුල් දිනයෙදීම යුද්ධයේ වාසිය තම දෑතට රතු හමුදා ලබාගත්තේය. සෝවියට් හමුදාව මෙහෙයුම තවදුරටත් ගෙනගිය අතර ජර්මාණු හමුදාව සම්පූර්ණයෙන් සෝවියට් දේශයෙන් පලවා හැරීමට කටයුතු කලේය.

“ සෙවස්තෝපල් හා ඔදෙස්සා වල වීරෝදාර ආරක්ෂක මතක සටහන් සදහටම අපේ ජනතාවගේ මතකයේ රැඳෙනු ඇත. මොස්කව් නගරය අසල කොකේසියානු කඳුපාමුල පැවතී දරුණු සටන, ලෙනින්ග්‍රාද් අසල සටන, ඓතිහාසික ස්තාලින්ග්‍රාද් සටන අප මතකයේ රැදෙනු ඇත.