Saturday, May 6, 2017

ගම්බද යාචකයා.



පාරෙන් එපිටහ, සින්දූර් ගහ යට,
කිරණින් දැවෙන පොළවේ නිදන්නේ ය
දිග් කබායක් ලා ගත්, කාලකන්නි ගොරහැඩි,
මහලු යාචකයා, පැසුණු හිසෙන් යුත් ආබාධිත ;

විඩාපත් ඔහු දුරස්තව මාවතේ සිට
වැතිරුණේ ය ගිමන් හැරීමට....
හිරු දවන්නේ ය කෙඩෙත්තු දෙපා,
නිරුවත් ගෙල හා ළපැත්ත .....

පෙනෙනයුරු, වඩාත් වුවමනා ය මැඩලන්නට දිළිඳුකම
පෙනෙනයුරු, කොහේවත් නැත අම්බලමක් සොයා ගැනීමට,
ඉරණම සිත් පිත් නැතිව යටත් කරගත්තේ ය
කදුළින් කවුළු තුළින් කෙඳිරිගාන්නේ ය.

ඔබ නොදකින්නේ ය එවැන්නක් අගනගරයේ :
මෙහිදී ඉඳුරාම වෙහෙසට පත් වූ අසරණභාවය!
යදඬු වලින් එහා දඟගෙය තුළ
කලාතුරකින් පෙනෙන්නේ ය විඳවන්නෙකු එවැනි.

දිගු සියවස් තුළ තම ශක්තිය ස්වල්ප නොවේ
කඨෝර රැකියාවෙන් මරා දැමුණේ ය,
එනමුදු, සිදුවිය යුත්තේ ම ය, සෙහොන අද්දරදී
සැබවින් ම ඔහුට ශක්තිය ප්‍රමාණවත් නොවී ය.

ඔහු ගමන් කරන්නේ ය ගමින් ගමට,
පෙරත්ත යන්තමට කටමැත දොඩවන්නේ ය,
ඉඳුරා ම මරණය ආසන්න ය, එනමුදු දුක් කන්දරාවකි
ඉවසන්නේ ය අවාසනාවන්ත මහල්ලා.

ඔහු නින්දට වැටුනේ ය.... පසුව කෙඳිරියත් සමග
ක්‍රිස්තුස්ගේ නාමයෙන් අයදින්නේ ය හා අයදින්නේ ය.....
බලන්න සෝචනීයයි, දුක් කන්දරාවක්
අභිරුචිය හා ඕනෑ එපාකම් රුසියාවේ!


1886.
( පළමු මුද්‍රිත කවිය )
ඉවාන් බුනින්.
රුසියන් බසින් සිංහල බසට,
ෆීලික්ස් ප්‍රනාන්දු. 

No comments:

Post a Comment