අල්යෝනුෂ්කා.

දෑස් ඇගේ ජ්වලිත ය.

අල්යෝනුෂ්කා වනයේ විසුවා ය,

අල්යෝනුෂ්කා තලඑලළු ය,

දෑස් ඇගේ ජ්වලිත ය,

ජෝතිමත් ය, තිර ය.

ඩිංග ඩිංග අල්යෝනුෂ්කා,

මත්පැන් පානය කරන්නී ය පියා සමගින් - අඩිය පෙනෙන තෙක්.

ඈ ගියා ය වනරොදට එබී බලන්නට,

මිතුරා සෙවීමට, පඳුරු තුළ සෙලවෙන්නට විය,

කවරෙකු වනයේ දී හමුවන්නට ද?

පයින් ගස් පමණක් පැද්දෙන්නේ ය!

අල්යෝනුෂ්කාට පාලුව දැනුණී,

අලසකමින් වෙහෙසට පත් වූවා ය,

දැල්වූවා ය විසල් ගිණි මැළයක්,

වියලි බව අග්නිය කොහේදෝ රැගෙන ගියා!

අළු කර දැමුවා ය අරණ අල්යෝනුෂ්කා

යොදුන් දහසකි, පෙණ පිඬු වෙතට

වියැකි ගියේ කොතැන ද ඇය

මෙතෙක් හඳුනා නො ගත්.

ඉවාන් අලෙක්සේවිච් බුනින්.

1916 ජූනි 20.

රුසියන් බසින් සිංහල බසට,

ෆීලික්ස් ප්‍රනාන්දු.

1996 ජනවාරි 10.