Tuesday, December 6, 2016

නිකිනි.


කිඳාබසින්නේය මුඳුන් ඝන මීදුමේ.



ඒ වසර අඳුරු ගිම්හානයකි.
කුඩා දේවදාර ගස් තුල දැව නිවසකි.
නිකිනි, හදවතේ තවමත් උණුසුම්ය.
ගෙවීගියේය ගිමිහානය ... එහෙත් සියල්ල එසේ නොවේ.

අරඹ සැළෙන්නේය සිසිරයේ කාළගුණයෙන්.
කිඳාබසින්නේය මුඳුන් ඝන මීදුමේ.
විසිවන දශකය අගිස්සේය.
ගෙවීගියේය තාරුණ්‍ය ... එහෙත් සියල්ල එසේ නොවේ.

පැරණි දෝ වසර, නැඹුල් දෝ වසර,
සියල්ල එසේ නොවේ, යටිසිත් ඇති මිතුර.
මෙහි අළුපැහැ ගිරි මත ලජ්ජාශීලි බෙරි
පළමු මිට, පිළිස්සූ සේය.

උණුසුම්, කහට, තිත්ත වියරුව
රාත්‍රියේ දී නතුකරගත්තේය මන නොබඳින ලැහැබ.
එඩිතර පරිනතබව හා ශක්තිමත් මහළු විය -
ලැදිකම සොබාදමට ... එහෙත් සියල්ල එසේ නොවේ.

හදවත මගේ, නුඹ බෙහෝ කලකට පෙර සිට උගත්තේය
දැඩිව ග්‍රහණය කිරීමට නොපෙනෙන කෙන්දෙන්.
සියල්ලම පාහේ බියකරු නැත, ඔව් කුමක් හෝ සිදුවී ඇත.
දියතේ කිසිවක් හෝ වෙනස් කිරීම සුදුසු නොවේ.

කුමක් හෝ සිදුවී ඇත හා කඩා වැටුනේය ආත්මය තුලට
සියල්ලටම,කා හට වූයේයද නුඹ සමග මාවතේ.
මග හැරනොයන්න, අමතක නොකරන්න, නොනසන්න,
කෙතරම් උත්සහ කරන්න හා කෙතරම් විශ්වාස කරන්න.

චන්ද්‍රිකා, අපට තර්ජනයන් නොවේ අවිනිශ්චිත.
ජීවත් වුනෙමු අපි අවසානය තෙක් අපේක්ෂා දක්වා.
බෑවුම් මග හා පුළුල් වටාපිටාව.
අපි උත්තුංගය, කඳු හිස් මත්තේ.


අපි දිවි ගෙවන්නෙමු දැල්වෙන නියත ආලෝකය තුල,
හුස්ම ගන්නෙමු ගැඹුරින්, සරලත්වය සමගින් විෂමස්වරැති.
නබෝගැබ මත තියුණු දැක්මෙන්,
සමීප හා නොවරදින දැක්ම.

එහෙත් ස්වදේශික අභිමතාර්ථ හා පුඟුලන් මත,
නිකිනියේ පවන නොමැති දිනක
අවිකල්පයෙන් හා දැඩිව පතනය වන්නේය
දුෂ්කර ශිකර වල අනුකම්පා විරහිත ඡායාව.

කුමක්ද ඉතින්, සහෝදරය, මගහැර යමු ඒ අතරින්,
ඡායාව හඹා එමින් මුරන්ඩු ආයාසයෙන්,
ගීතයෙන්, කවරෙක් විසින් නොගයන ලද,
අනාගත ලබ්ධියෙන්, පිළිගැනීමේ වදනින්......

ඒ වසර අඳුරු ගිම්හානයකි.
කුඩා දේවදාර ගස් තුල දැව ගෙයකි.


1945.
අලිගෙර් මර්ගරීතා.
රුසියන් බසින් සිංහල බසට,

ෆීලික්ස් ප්‍රනාන්දු.

No comments:

Post a Comment