Friday, December 9, 2016

අසරණ බැටළු පැටවා.




නුඹ පව්කාරයෙක් නොවේ, ඊට පෙර
මුළුමනින්ම ශුද්ධ බවට පත්විය.
සපාකෑවේද නැත කිසිවෙකු,
කිසිවෙකුට උලකින් ඇන්නේද නැත.

දෙවරක් වසරක් තුල නුඹගේ ලෝම කැපුවෝය
අවසාන මුදුව තෙක්.
දිනකදී විනාඩි පහකින්
එහෙමපිටින්ම හමගසන්නෝය,
අසරණ බැටළු පැටවා,
අසරණ බැටළු පැටවා!

තැනැත්තෙක් ඉපදුනේය:
        මංගල්‍යයකි!
යකඩ කූරෙන් පළදින්නේය ඔටුණු නුඹට ,
තැනැත්තෙක් හැරගියේය ලොව -
හම නොමැතිව නුඹ රැඳුනේය.
පූර්ණව විවෘත විය දොර මිතුරා ඉදිරියේ -
පිම්බේය වේගයෙන් ලිපට.
විනාකිරි කලවම් විය සුදුළුනු සමගින්,
පිළිස්සු මසින් සුවඳ හමන්නේය .......
අසරණ බැටළු පැටවා,
අසරණ බැටළු පැටවා!

ළපැත්තේ තුනී ලෝම කපන්නේය
නුඹ සසල වන්නේය සදාතනික බියෙන්
සෑම විටම
නුඹට ලබාදෙන්නේය විර්යයේ හිස්වැස්ම.

අහිමිකරගැනීමට සුදානම්ය එළුහමින් සැදි මුද්‍රික පැස,
මුද්‍රික වෑහීමට, දොළක් සේ.
නුඹ නැවත - අවසානයට පැමිණියේය:
අතිශයින් දිස්නේ දෙන්නේය නුඹේ තට්ටම,
අසරණ බැටළු පැටවා,
අසරණ බැටළු පැටවා!

නුඹ නිර්දෝෂිය හා නිහතමානිය,
ඒ නිසා බොළද නැති
සියළුම සියවස්වල දුෂ්ට
වෘකයා නුඹේ හමින් සැරසෙන්නේය.




වදන් සැබෑ නියාව
නොමැකෙන්නේය, කැපූ කටාරම් සේ.
කලාතුරකින් මුළු ජිවිතයම එක පෙලකය
කවරෙකු ගැන කතාකරන්නෝය:
අසරණ බැටළු පැටවා,
අසරණ බැටළු පැටවා!

රසූල් ගම්සාතෆ්.
රුසියන් බසින් සිංහල බසට,
ෆීලික්ස් ප්‍රනාන්දු.

No comments:

Post a Comment