හදිසි වැස්ස.

හදිසි නොවන්න, කලබල නොවන්න, රැඳෙමු.

අමතක කරමු මෙහොතකට හදිස්සි කටයුතු.

බලන්න : ප්‍රාණවත් විය තණ, වැස්සෙන්

හා වියපත් ගස් තිරිහන් විය.

චිරි චිරි ගැවේ ය පතුල් යට තෙත වැලි.

පෑදි නිල පුපුරා විහිදෙන මේකුළු මතින්.

ඇල වූ කුදු දේදුන්න

පාවිය ඉගිලෙන්නේ ය වැස්ස.

සලිත වන්නෝ ය ගිණිගත් කුළුණු,

දැවෙන්නේ ය වළාකුළු ... එවන් මෙහොතක

සරල අරණෙන් අංකුර ලන්නේ ය හතු

හා පද්‍ය දැකුම් අල්ලාගන්නේ ය පැලෑටි.

ගල් හා තණ ගයති වැස්සේ,

රිදි පාටින් දිළෙන්නේ ය විලේ දිය.

කලබල නොවන්න, පලා නොයන්න, රැඳෙමු,

සවන් දෙමු දයාබර හඬට සොබාදහමේ.

1935.

එදුආර්ද් අසාදෆ්.

රුසියන් බසින් සිංහල බසට,

ෆීලික්ස් ප්‍රනාන්දු.